افغانستان ميں طالبان کی پيش قدمی اور پر تشدد کارروائيوں کو محدود رکھنے کے ليے حکام نے رات کے وقت کرفيو نافذ کرنے کا فيصلہ کيا ہے۔ خبر کے مطابق،اس فيصلے پر ہفتے اور اتوار کی درميانی رات سے عمل در آمد شروع ہو گیا جسے ملک کے چونتيس ميں سے اکتیس صوبوں ميں لگايا گيا ہے۔
وزارت داخلہ کے نائب ترجمان احمد ضيا ضيا نے بتايا کہ کرفيو کے اوقات مقامی وقت کے مطابق رات دس بجے سے صبح چار بجے تک ہيں۔ افغانستان سے غير ملکی افواج کے انخلا کے تناظر ميں طالبان کی پر تشدد کارروائياں کافی بڑھ گئی ہيں۔
وہ اس وقت ملک کے قريب چار سو اضلاع ميں سے تقریباﹰ نصف پر قابض ہيں۔
