آزاد جموں و کشمیر میں 11ویں عام انتخابات کے لیے میدان سجا ہوا ہے اور اس دوران 2 سیاسی گروپوں میں تصادم کے دوران پاکستان تحریک انصاف کے 2 کارکن جاں بحق ہوگئے۔
کوٹلی کے انتخابی حلقے ایل اے 12 میں چڑھوئی کے علاقے میں ناڑ تھانے کی حدود میں پیپلز پارٹی اور پاکستان تحریک انصاف کے کارکنوں کے مابین فائرنگ سے 40 سالہ ظہیر احمد اور 50 سالہ محمد رمضان ہلاک ہوگئے۔
واقعے کے بعد حلقے میں موجود دیگر پولنگ اسٹیشنز میں ووٹنگ کا عمل عارضی طور پر روک دیا گیا تھا، جو بعد ازاں بحال ہوگیا۔
انتخابی حلقے میں فائرنگ کے بعد علاقے میں خوف وہراس پھیل گیا تھا تاہم تاحال کوئی گرفتاری عمل میں نہیں آئی۔