صدر رجب طیب ایردوان نے روسی صدر ولا دیمر پوتن سے ٹیلیفون پر بات چیت کی۔
روسی ایوان ِ صدر کریملن نے اپنے تحریری بیان میں کہا ہے کہ دونوں سربراہان کی گفتگو میں ترکی میں جنگلات کی آگ کا معاملہ زیر غورآیا ہے۔
جناب ایردوان نے روس کی جانب سے 5 آگ بجھانے والے طیارے اور تین ہیلی کاپٹر بھیجنے پر صدر پوتن سے اظہارِ تشکر کیا۔
جس پر روسی صدر نے ترکی سے اظہار ہمدردی کیا۔
مذکورہ قدرتی آفت کے خلاف جدوجہد میں دونوں ممالک کے باہمی تعاون کی اہمیت پر توجہ مبذول کرائے جانے والی اس بات چیت میں پوتن نے آگ بجھانے کی کاروائیوں میں ترکی سے تعاون و امداد کی ترسیل کے جاری رہنے کا عندیہ دیا۔
روس اور ترکی کے باہمی تعلقات پر بھی غور ہونے والی اس ملاقات میں ماسکو میں کل منعقدہ ترکی۔ روس بین الاحکومتی مخلوط اقتصادی کمیشن کے 17 ویں اجلاس کے مثبت گزرنے پر بھی زور دیا گیا۔
بات چیت میں دو طرفہ تجارت، اقتصادیات، انرجی اور دیگر شعبہ جات میں طے شدہ معاہدوں پر عمل درآمد کے لیے مشترکہ امور پر کام کو جاری رکھنے کا اظہار کرتے ہوئے باہمی روابط کو مختلف سطح پر جاری رکھے جانے پر بھی ہم آہنگی کی گئی۔