کشمیر پریمیئر لیگ (کے پی ایل) کے پہلے میچ میں راولاکوٹ ہاکس نے میرپور رائلز کو 43 رنز سے ہرا دیا۔
مظفر آباد کرکٹ اسٹیڈیم میں کھیلے گئے میچ میں میرپور نے ٹاس جیت کر راولاکوٹ کو بیٹنگ کی دعوت دی۔
اوپنرز بسمہ اللہ خان اور احمد شہزاد نے شاندار آغاز فراہم کیا اور بالترتیب 59 اور 69 رنز کی جارحانہ اننگز کھیل کر بڑے اسکور کی بنیاد رکھی۔
Amad Butt knocks over Bismillah Khan.#SRGKPL #KheloAazadiSe #KPL21 pic.twitter.com/AbrZ25o1LB
— Kashmir Premier League (Official) (@kpl_20) August 6, 2021
ایک وقت میں راولاکوٹ 200 سے زیادہ اسکور کرتی نظر آرہی تھی لیکن بسمہ اللہ خان اور احمد شہزاد کے بعد آنے والے کھلاڑی زیادہ اسکور نہ کر سکے اور ٹیم نے مقررہ اوورز میں 6 وکٹوں کے نقصان پر 194 رنز بنائے۔
ٹیم کے کپتان شاہد آفریدی 5 گیندوں میں 16 رنز بنا کر بولڈ ہوئے۔
Boom Boom 💥 #SRGKPL #KheloAazadiSe #KPL21 pic.twitter.com/WNLu841KLF
— Kashmir Premier League (Official) (@kpl_20) August 6, 2021
میرپور کے عماد بٹ نے 3، سلمان ارشاد نے 2 جبکہ خوشدل شاہ نے ایک کھلاڑی کو آؤٹ کیا۔
ہدف کے تعاقب میں میرپور کا آغاز اچھا نہ تھا اور اوپنر ابتسام الحق اور محمد طحہٰ صفر پر آؤٹ ہوئے۔
اس موقع پر کپتان و تجربہ کار شعیب ملک نے ٹیم کو فتح دلانے کی ذمہ داری لی، لیکن 50 گیندوں میں شاندار 74 رنز بنا کر ان کی ہمت بھی جواب دے گئی۔
Mirpur Royals are in a spot of bother at the end of the power play.#SRGKPL #KheloAazadiSe #KPL21 pic.twitter.com/FAjYjXzaMt
— Kashmir Premier League (Official) (@kpl_20) August 6, 2021