مراکش کا سرکاری دورہ کرنے والے اسرائیلی وزیر خارجہ یائر لیپڈ نے اعلان کیا کہ دونوں ممالک باہمی طور پر سفارت خانے کھولنے پر اتفاق کرلیاہے۔
اپنے سرکاری رابطوں کو مکمل کرنے کے بعد ، لیپڈ نے کاسا بلانکا میں منعقدہ پریس کانفرنس میں دونوں ممالک کے درمیان تعلقات کے فروغ کے بارے میں جائزہ پیش کیا۔
لیپڈ نے کہا کہ وہ باہمی سفارتی نمائندگی کی سطح کو بڑھانے کے لیے مراکش کے وزیر خارجہ ناصر بریتا کے ساتھ ایک معاہدے پر پہنچ گئے ہیں ، انہوں نے مزید کہا کہ جلد ہی ٹھوس اقدامات کیے جائیں گے اور 2 ماہ کے اندر سفارتخانے کھلنے کی توقع ہے۔
مراکش کے بادشاہ محمد ششم اور وزیر خارجہ بوریتا کا شکریہ ادا کرتے ہوئے ، لیپڈ نے اس بات کا اظہار کیا کہ دونوں ممالک کے تعلقات سفارتی ، اقتصادی اور ثقافتی شعبوں میں ا علی سطح تک فروغ پائیں گے۔
لیپڈ نے اپنے سرکاری دورے کے دوران کل مراکش میں اسرائیل کا مواصلاتی دفتر کا افتتاح کیا اور دونوں ممالک کے درمیان تعلقات کو معمول پر لانے کے معاہدے پر دستخط بھی کیے۔