عالمی سطح پر ماہ جولائی نےگزشتہ 20 برسوں کے اوسط درجہ حرارت سے 0.93 سینٹی گریڈ تک بڑھتے ہوئے گرمی کا ریکارڈ قائم کیا ہے۔
قومی بحری و فضائی کرہ ادارے کی ایک رپورٹ کے مطابق شمالی نصف کرہ ارض پر جولائی میں اوسط درجہ حرارت 1.54 سینٹی گریڈ تک بڑھتے ہوئے گزشتہ 142 برسوں کی ریکارڈ سطح تک رہا ہے۔
خطہ ایشیا کے ریکارڈ ز کے مطابق یہ گرم ترین جولائی کا مہینہ تھا تو خطہ یورپ میں 2018 کے درجہ حرارت کے بعد دوسرے نمبر رہا ہے۔
قومی بحری اور ماحولیاتی انتظامیہ کے ڈائریکٹر رک اسپنراڈ نے کہا کہ جولائی عام طور پر سال کا گرم ترین مہینہ ہوتا ہے۔ لیکن یہ ریکارڈ موسمی تغیرات سے کرہ ارض کو لاحق سنجیدہ خطرات کا ایک مظہر ہے۔