ترکی کے ضلع بتلیس کی تحصیل احلات میں ، 26 اگست ملازگرت فتح کی 950 ویں سالگرہ کی تقریبات کا آغاز ہوگیا ہے۔
گورنر ااوکتائے چاعتائے نے اس موقع پر خطاب کرتے ہوئے کہا کہ سلطان آلپ ارسلان نے اپنے بہادر ساتھیوں کے ساتھ مل کر آج سے 950 سال پہلے اس سرزمین کو اپنا وطن بنایا اور اس وقت سے تا ابد تک یہ سرزمین ترکوں کا وطن رہے گی۔
احلات کے میئر عبدالعلیم ممتاز چوبان نے اس موقع پر سلطان آلپ ارسلان سمیت ان کے تمام ساتھیوں کے لیے مغفرت کی دعا کی اور اس تاریخی واقعے کو ہمیشہ زندہ رکھنے کے عظم کا اظہار کیا۔
جشن کی اس تقریب میں مہتر بینڈ کے علاوہ ، ترک فضائیہ کی ایروبیٹک ٹیم نے 950 ویں سالگرہ کے لیے ایک خصوصی شو پیش کیا۔
اس تگقریب میں گہری دلچسپی لینے والے افراد نے آسمان پر ٹرکش اسٹارز کا شو دیکھا اور بے حد پسند کیا۔
بعد میں گورنر چاعتائے اور ان کے وفد نے علاقے کے خیموں کا دورہ کیا جہاں مہمانوں کی آو بھگت کی گئی۔