ترکی کی حزب اقتدار جسٹس اینڈ ڈویلپمنٹ پارٹی کے ترجمان عمر چیلک نے کہا ہے کہ جب تک افغان عوام چاہیں گے ترکی ان کا ساتھ دینا جاری رکھے گا۔
چیلک نے سوشل میڈیا پیج سے جاری کردہ بیان میں کہا ہے کہ افغانستان میں متعین ترک مسلح افواج نے دوست اور برادر افغان عوام کے امن و سکون اور استحکام کے قیام کے لئے اہم کردار ادا کیا اور اب ایک اور فریضے کو کامیابی سے ادا کرنے کے فخر کے ساتھ وطن واپس لوٹ رہی ہیں۔
عمر چیلک نے کہا ہے کہ 6 سال تک کابل ائیر پورٹ پر فرائض کی ادائیگی کے بعد ہمارے فوجی واپس آ رہے ہیں لیکن جب تک افغان عوام چاہیں گے ترکی ان کا ساتھ دینا جاری رکھے گا۔ ترکی ایک قابل اعتماد دوست، برادر اور اتحادی ملک ہے”۔