میکسیکو نے افغانستان سے نکالے گئے 124 افغان صحافی پناہ گزینوں کو قبول کرنے کا اعلان کیا ہے۔
میکیسکو ائیر پورٹ پر وزیر خارجہ مارسیلو ایبرارڈ نے اپنے وفد کے ہمراہ افغانستان میں ‘دی نیویارک ٹائمز’ اور دیگر مختلف میڈیا اداروں کے ملازمین صحافیوں کا خیر مقدم کیا۔
ایبرارڈ نے ٹویٹر پیج سے افغان صحافیوں کے بارے میں ٹویٹ شئیر کی اور کہا ہے کہ میکسیکو نے انسانی بنیادوں پر پناہ کی درخواستوں کے ساتھ تعاون کرنے کا فیصلہ کیا ہے۔
انہوں نے کہا ہے کہ "سب انسانوں کی زندگی اہم ہے لیکن میں اس پہلو پر زور دینا چاہتا ہوں کہ آج میکسیکو آنے والا یہ گروپ آزادیوں ، خبر رسانی کے حق اور ان سے متعلقہ متعدد اقدار کا نمائندہ ہے”۔
کنبوں سمیت ان صحافیوں کی قبولیت کے بارے میں میکسیکو نے کہا ہے کہ ان صحافیوں نے ہم سے عارضی طور پر انسانی تحفظ طلب کیا ہے۔
واضح رہے کہ میکسیکو نے 25 اگست کو بھی افغانستان سے نکالی گئی بین الاقوامی ایوارڈ یافتہ 5 افغان عورتوں کو قبول کرنے کا اعلان کیا تھا۔
