جاپان اور جنوبی کوریا نے شمالی کوریا کے میزائل تجربہ کرنے کا اعلان کیا اور کہا ہے کہ قوی احتمال کے مطابق میزائل بیلسٹک تھا۔
کیوڈو خبر رساں ایجنسی کی جاپان حکومت کے حوالے سے شائع کردہ خبر کے مطابق شمالی کوریا نے بیلسٹک میزائل کا تجربہ کیا ہے۔میزائل جاپان کے اقتصادی زون سے باہر سمندر میں گرا ہے۔
خبر کے مطابق جاپان کے وزیر اعظم سوگا یوشی ہیدے نے حکومت کے متعلقہ اداروں سے کسی ہنگامی صورتحال کے مقابل تیاریاں کرنے کے احکامات جاری کئے ہیں۔
یونہاپ خبر رساں ایجنسی نے ،جنوبی کوریا مسلح افواج کے جنرل ہیڈ کوارٹر کے جاری کردہ بیان کے حوالے سے، جاری کردہ خبر کے مطابق شمالی کوریا نے جنوبی کوریا کی طرف میزائل فائر کیا ہے تاہم یہ شناخت نہیں ہو سکی کہ میزائل کس نوعیت کا تھا۔
خبر کے مطابق شمالی کوریا نے اس ماہ کے دوران دوسری دفعہ بیلسٹک میزائل کا تجربہ کیا ہے۔ 15 جولائی کو فائر کئے گئے 2 بیلسٹک میزائل جاپان کے اقتصادی زون کےاندر گرے تھے۔