یوکرائن کے وزیر خارجہ دمترو کولیبا نے کہا ہے کہ صدر ولادی میر زلنسکی نے روس کے زیرِ حراست یوکرائنی شہریوں کی رہائی کے لئے ترکی کے صدر رجب طیب ایردوان سے مدد مانگی ہے۔
کولیبا نے اقوام متحدہ کے 76 ویں جنرل اسمبلی اجلاس کی مناسبت سے نیو یارک کے دورے کےدوران صدر زلنسکی اورصدر ایردوان کے درمیان دو طرفہ و بین الوفود مذاکرات کی یاد دہانی کروائی ہے۔
انہوں نے کہا ہے کہ مذاکرات کے دوران زلنسکی نےکریمین تاتار نائب اسمبلی اسپیکر نریمان جلال سمیت 450 زیرِ حراست یوکرائینی شہریوں کی فہرست صدر ایردوان کو پیش کی ہے۔
کولیبا نے کہا ہے کہ زلنسکی نے صدر ایردوان سے درخواست کی ہے کہ وہ زیرِ حراست یوکرائینی شہریوں کی رہائی کے لئے صدر پوتن سے بات کریں۔
کولیبا نے کہا ہے کہ یوکرائینیوں کو روس کی جیلوں سےنجات دِلوانا ہمارا فریضہ ہے۔