اطالوی دارالحکومت روم میں ہزارہا افراد نے کام پر جانے کے لیے "سبز اجازت نامے” کو لازمی قرار دیے جانے کے خلاف احتجاجی مظاہرہ کیا ہے۔
ملک میں آئندہ جمعے کے روز سے ملازمین کے لیے یہ لازمی ہو گا کہ وہ کام کی جگہ پر جانے کے لیے اس بات کا دستاویزی ثبوت فراہم کریں کہ وہ یا تو ویکسینیشن کرا چکے ہیں، یا کورونا سے صحت یاب ہوئے ہیں یا پھر ان کے پاس کورونا کا نیگیٹیو ٹیسٹ موجود ہے۔
احتجاج کے دوران سینکڑوں مظاہرین نے وزیر اعظم ماریو دراگی کی سرکاری رہائش گاہ میں گھسنے کی بھی کوشش کی۔
پولیس نے مظاہرین کے خلاف پانی کی تیز دھار اور آنسو گیس کا استعمال کیا۔