جنوب مغربی اسپین کے جزائر کینیری کے جزیرے لا پالما میں 19 ستمبر سے متحرک ہوئے کمبرا ویژا نامی آتش فشاں سے مسلسل لاوے اگلنے کے باعث مزید 800 افراد کو محفوظ مقامات پر منتقل کر دیا گیا ہے۔
حکام کا کہنا ہے کہ کمبرا ویژا آتش فشاں سے لاوے کے بہاو اور رخ میں تبدیلی آ گئی ہے جس کی وجہ سے مزید 800 افراد کو وہاں سے نکال لیا گیا ہے۔
بتایا گیا ہے کہ اب تل علاقے سے 6200 افراد کو نکالا گیا ہے جبکہ 595 ہیکٹر کا رقبہ لاوے کی زد میں آچکا ہے ۔
دوسری جانب لاوا ایک صنعتی علاقے میں پھیلنے کے باعث فضائی آلودگی سے متاثرہ 3 ہزار افراد پر مشتمل آبادی کو زیر قرنطینہ لے لیا گیا ہے اور لوگوں سے مطالبہ کیا ہے کہ وہ بلا ضرورت گھر سے باہر نہ نکلیں۔
