نجی ٹیلی وژن کی اینکر عاصمہ شیرازی نے اپنی ایک ٹویٹ میں بتایا ہے کہ وزیراعظم آفس کو بالاخر آج 18 اکتوبر کو خفیہ ادارے انٹر سروسز انٹیلی جنس (آئی ایس آئی) کے نئے سربراہ کیلئے سمری موصول ہو گئی ہے۔
خیال رہے کہ رواں ماہ 6 اکتوبر کو پاک فوج کے شعبہ تعلقات عامہ (آئی ایس پی آر) کی جانب سے جاری پریس ریلیز میں کہا گیا تھا کہ لیفٹیننٹ جنرل فیض حمید کو کور کمانڈر پشاور تعینات کر دیا گیا ہے جبکہ کور کمانڈ کراچی لیفٹیننٹ جنرل ندیم انجم کو نیا ڈی جی آئی ایس آئی لگایا گیا ہے۔
PM office receives the #Summary of #DGISI , galaxy on its way as was its 18 th Oct 😊
— Asma Shirazi (@asmashirazi) October 18, 2021
اسی دوران پاک فوج میں اعلیٰ سطح پر مزید تبادلے بھی ہوئے تھے جس کے مطابق لیفٹیننٹ جنرل عاصم منیر کو کوارٹر ماسٹر جنرل جبکہ لیفٹیننٹ جنرل محمد عامر کو کور کمانڈر گوجرانوالہ تعینات کیا گیا تھا۔
خیال رہے کہ 14 اکتوبر کو وفاقی وزیر اطلاعات فواد چودھری نے اپنی ٹویٹ میں کہا تھا کہ نئے ڈی جی آئی ایس آئی کی تقرری کا عمل جلد مکمل ہوجائیگا۔ ایک مخصوص طبقہ اس معاملے پر جو کھیل کھیلنا چاہتا تھا وہ ناکام ہو چکا ہے۔
نئی DG ISI کی تقرری کا عمل جلد مکمل ہو جائیگا، ایک مخصوص طبقہ اس معاملے پر جو کھیل کھیلنا چاہتا تھا وہ ناکام ہو چکا ہے اب کہا جا رہا ہے وزیر اعظم نئے DGISI کیلئے انٹرویو کریں گے ان عہدوں پر تعیناتی سے قبل ملاقات ایک عمومی روائیت ہے ایسے عمل کو بھی متنازعہ بنانا انتہائ نامناسب ہے
— Ch Fawad Hussain (@fawadchaudhry) October 14, 2021
انہوں نے ٹویٹ میں لکھا کہ اب کہا جا رہا ہے وزیر اعظم نئے ڈی جی آئی ایس آئی کیلئے انٹرویو کریں گے۔ ان عہدوں پر تعیناتی سے قبل ملاقات ایک عمومی روایت ہے۔ ایسے عمل کو بھی متنازعہ بنانا انتہائی نامناسب ہے۔