تحریک انصاف کے رکن خیبر پختونخوا اسمبلی طفیل انجم نے مہنگائی کے بارے میں نئی منطق بیان کرتے ہوئے کہا ہے کہ یہ معاملہ اللہ تعالیٰ کی طرف سے ہے، وہ قیمتوں کا تعین کرنے کیلئے ہر صبح ایک فرشتہ مقرر کرتا ہے۔
طفیل انجم 2018ء کے الیکشن میں مردان کے حلقے پی کے 49 سے ممبر خیبر پختونخوا اسمبلی منتخب ہوئے تھے۔
Tufail Anjum, a PTI MPA from PK-49 Mardan, says, "Inflation is caused by Allah Almighty (NB). An angel is appointed every day and the rates are the fixed”. pic.twitter.com/bKWOZ0TZQf
— Dr. Nauman Ul Haq (@naumanuhk) October 24, 2021
ملک میں آئے روز بڑھتی ہوئی مہنگائی نے عوام کا جینا دوبھر کر دیا ہے۔ ہر کوئی پی ٹی آئی حکومت کی پالیسیوں پر تنقید کر رہا ہے۔ اس دوران ایک حکومتی رکن کی جانب سے اس قسم کے بیان نے سب کو حیران کر دیا ہے۔
سوشل میڈیا صارفین طفیل انجم کو انوکھے بیان پر انھیں مذاق کا نشانہ بنا رہے ہیں۔ مسلم لیگ (ن) کی رکن پنجاب اسمبلی حنا پرویز بٹ نے اپنی ٹویٹ میں سوال اٹھایا کہ ایمانداری سے بتائیں کیا ایسے ہیرے ہمیں دوبارہ ملیں گے؟
مہنگائی اللہ کیطرف سے ہے، ہر صبح ایک فرشتہ مقرر ہوتا ہے جو نرخ مقرر کرتا ہے: پی ٹی آئی ایم پی اے طفیل انجم کی انوکھی منطق۔۔۔ایمانداری سے بتائیں کیا ایسے ہیرے ہمیں دوبارہ ملیں گے؟؟؟
— Hina Parvez Butt (@hinaparvezbutt) October 25, 2021
خیال رہے کہ اس سے قبل وفاقی وزیر علی امین گنڈاپور نے بھی مہنگائی کے حوالے سے ایسا ہی ایک بیان جاری کیا تھا۔ آزاد کشمیر میں ایک جلسے تقریر کرتے ہوئے انہوں نے عوام کو مشورہ دیا تھا کہ وہ آٹا اور چینی کم کھائیں۔
علی امین گنڈا پور کا کہنا تھا کہ ہم بے حس ہوچکے ہیں۔ ہم اپنی نسل اور ملک کیلئے اتنی سی قربانی نہیں دے سکتے۔ اگر میں روٹی کے 100 نوالے کھاتا ہوں آٹے کے، تو کیا اپنی قوم کیلئے 9 نوالوں کی قربانی نہیں دے سکتا۔