ایران جوہری مذاکرات شروع کرنے پر رضامند ہو گیا ہے۔
ایرانی مذاکرات کار علی باقری نے یورپی یونین کے اعلیٰ اہلکار اینرک مورا کے ساتھ برسلز میں ملاقات کے بعد بتایا کہ جوہری مذاکرات کے لیے حتمی تاریخ کا اعلان اگلے ہفتے کیا جائے گا۔
واضح رہے کہ رواں سال اگست میں صدر ابراہیم رئیسی کی حکومت کے قیام کے بعد سے سن 2015 کے جوہری معاہدے کی بحالی کی بات چیت تعطل کا شکار ہے۔
ایرانی حکام نے گزشتہ روز واضح کیا تھا کہ وہ نومبر کے اواخر تک بات چیت دوبارہ شروع کریں گے۔
ایران کے اعلان پر امریکہ نے شکوک کا اظہار کرتے ہوئے تہران حکومت سے نیک نیتی کا مظاہرہ کرنے کا کہا ہے۔