جمہوریت کے قیام کی 98 ویں سالگرہ کے موقع پر صدر رجب طیب ایردوان نے حکومتی اراکین کے ہمراہ جمہوریہ ترکی کے بانی مصطفیٰ کمال اتا ترک کے مزار پر حاضری دی۔
صدر ایردوان نے مزار کے یادگاری دفتر میں دستخط کئے اور اپنے خیالات رقم کرتے ہوئے کہا ہے کہ "عزیز اتاترک جمہوریت کے قیام کی 98 ویں سالگرہ کے موقع پر ہم آپ کی ذاتِ عالی، آپ کے ساتھیوں اور دلیر شہیدوں کو ایک دفعہ پھر احسان مندی اور جذبہ تشکر کے ساتھ یاد کر رہے ہیں۔ یہ وطن ہمارے پاس شہیدوں کی امانت ہے۔ اسے مضبوط بنانے، اس کے اعتبار میں اضافہ کرنے اور اسے دنیا کی پہلی 10 اقتصادی طاقتوں میں شامل کرنے کے لئے ہم دن رات کام کر رہے ہیں۔ ایک ایسے دور میں کہ جب پوری دنیا کورونا وائرس بحران کا شکار ہے ترکی، برآمدات، روزگار، پیداوار اور سرمایہ کاری میں اہم کامیابیوں کے ساتھ اپنے راستے پر گامزن ہے۔ پُر شکوہ فتوحات سے بھری تاریخ کی حامل ایک دلیر ملت کے افراد کی حیثیت سے ہم جمہوریہ ترکی کو سال 2023 کے اہداف تک لے جانے کے معاملے میں پُر عزم ہیں۔ اللہ آپ کی روح کو شاد کرے۔