سوڈان میں حفاظتی قوتوں کی بڑی تعداد کی موجودگی کے باوجود ہزاروں افراد نے چند روز قبل ہونے والی فوجی بغاوت کے خلاف احتجاج کیا ہے۔
صرف دارالحکومت خرطوم میں دسیوں ہزار لوگ سڑکوں پر تھے۔
ان مظاہرین کا مطالبہ تھا کہ سویلین قیادت والی عبوری حکومت کو بحال کیا جائے تاکہ ملک جمہوریت کے راستے پر گامزن رہے۔
اسی طرح مشرق اور شمال کے ساتھ ساتھ وسطی سوڈان میں بھی ریلیوں کی اطلاع ملی ہے۔
ڈاکٹروں کے مطابق دو افراد کو اومدرمان شہر میں ملیشیا کے لوگوں نے گولیاں مار کر ہلاک کر دیا ہے۔