امریکہ نے یمن میں حوثیوں کے صوبہ مارب پر حملوں کو ختم کرنے کا مطالبہ کیا ہے۔
سابقہ دارالحکومت صنعا میں متعین امریکی ناظم الامور کیتھی ویسٹلی نے اپنے بیان میں حوثیوں سے جنگ روکنے کا مطالبہ کیا ہے۔
ویسٹلی نے کہا کہ حوثیوں کو اس فضول جنگ کو ختم کرنے اور جنگ بندی کو قبول کرنے کی ضرورت ہےجبکہ ہم درجنوں افراد کی ہلاکتوں کے ذمے دار حوثیوں کے حملوں کی مذمت کرتے ہیں۔
ناظم الامور نے ہلاک شدگان کے لواحقین سے تعزیت بھی کی ۔
یاد رہے کہ گزشتہ روز حوثیوں نے مارب کے قصبے جوبہ پر بلاسٹک میزائل حملہ کیا تھا جس میں 39 افراد ہلاک ہوئے تھے۔