ماسکو (انٹرنیشنل ڈیسک) امریکی سی آئی اے کے ڈائریکٹر ولیم برنز نے روسی انٹیلی جنس سروس کے چیف سرگئی نارشکن سے ملاقات کی۔ خبررساں اداروں کے مطابق یہ ملاقات روسی دارالحکومت ماسکو میں آج بدھ کے روز ہوئی اور اس میں دہشت گردی سے نمٹنے کے لیے تعاون پر گفتگو کئی گئی۔ تجزیہ کاروں کا کہنا ہے کہ برنز بہت کم روایتی حریف ملک روس کا دورہ کرتے ہیں، تاہم ان کا یہ دورہ ثابت کرتا ہے کہ روایتی حریف ہونے کے ساتھ دونوں ہی ملک ساتھ کام کرنے کی اہمیت کو سمجھتے بھی ہیں۔روس میں اپوزیشن رہنما ناولنی کی حراست کولے کر ماسکو اور یورپی یونین کے درمیان کشیدگی ہے اور واشنگٹن اس معاملے میں اپنے یورپی حلیفوں کے ساتھ ہے۔