شارجہ (نمائندہ خصوصی) قومی کرکٹ ٹیم کے سینئر کھلاڑی محمد حفیظ کا کہنا ہے کہ یہ نہیں سوچ رہے کہ سیمی فائنل میں کون مدمقابل ہوگا، کسی ٹیم کی پرواہ نہیں، جو بھی سامنے ہوگا شکست دے کر جواب دیں گے۔ انہوں نے کہا کہ فوکس صرف اپنی کامیابی اور جیت کے مومینٹم پر ہے۔محمد حفیظ نیکہا کہ ورلڈ کپ سے پہلے پاکستان کو تقریباً 12سے 13ٹی 20 کھیلنے کا موقع نہیں ملا۔انہوں نیمزید کہا کہ ویسٹ انڈیزمیں بارش،نیوزی لینڈ کا واپس جانا، انگلینڈ کا انکار، اس کے باوجود اچھی تیاری کی۔انہوں نے کہا کہ ہدف صرف ایک ٹیم کو شکست دینا نہیں بلکہ پورا ایونٹ جیتنا ہے۔انہوں نے ٹیم کی ایونٹ میں شاندار کارکردگی پرکہا کہ پاکستان ٹیم کی جتنی بھی تعریف کی جائے کم ہے اور پہلے میچ میں بھارت سے جیت کر ٹیم پر مثبت اثرات پڑے۔انہوں نیکپتان بابراعظم کی تعریف کرتے ہوئے کہا کہ وہ بہترین قیادت کیساتھ اچھی کارکردگی بھی دکھا رہے ہیں۔