عالمی شہرت یافتہ پاکستانی باکسر محمد وسیم کولمبیا سے تعلق رکھنے والے باکسر رابر بریرا سے(آج)جمعہ کو دبئی کے باکسنگ ایرینا میں مقابلہ کریں گے۔
دونوں باکسرز کے درمیان یہ باوٹ فلائی ویٹ کیٹیگری میں ہوگی۔ پاکستان کے محمد وسیم 12فائٹ جیت چکے ہیں جبکہ ایک میں انہیں شکست ہوئی ہے، محمد وسیم نے ان میں سے 8مقابلے ناک آوٹ کے ذریعے جیتے ہیں۔ کولمبین باکسر محمد وسیم سے زیادہ تجربہ کار ہیں، انہوں نے 26فائٹس میں حصہ لیا اور 13میں حریف کو ناک آوٹ کیا جبکہ بریرا کو 3میں شکست ہوئی ہے۔
