چٹاگانگ (جسارت نیوز) پاکستان کرکٹ ٹیم نے بنگلا دیش کے خلاف ہونے والے پہلے ٹیسٹ کی تیاریاں جاری ہیں،مسلسل دوسرے روز کھلاڑیوں نے چٹاگانگ کے ظہور احمد چوہدری اسٹیڈیم میں بھرپور ٹریننگ کی۔ قومی کھلاڑیوں نے بھرپور ٹریننگ سیشن کیا ، کھلاڑیوں نے فزیکل ٹریننگ کے بعد فیلڈنگ سیشن کیا ، سلپ میں کیچنگ اور گرائونڈ فیلڈنگ پر خاص توجہ دی ۔اس کے بعد بولنگ اور بیٹنگ کی بھی پریکٹس کی گئی۔اس سے قبل دونوں ٹیموں کے مابین11ٹیسٹ میچز کھیلے جا چکے ہیں،جس میں پاکستان نے10میچز میں فتح حاصل کی جبکہ ایک میچ ڈرا ہوا۔بنگلادیش کی ٹیم ابھی تک ایک بھی میچ نہیں جیت کی۔پہلے ٹیسٹ سے قبل سرفراز اور رضوان نے ایک دوسرے کو پریکٹس کرائی۔