کراچی(اسٹاف رپورٹر)نیشنل لیبر فیڈریشن کراچی کے صدر خالد خان اور جنرل سیکرٹری محمد قاسم جمال نے سندھ حکومت کی جانب سے پیش کیے گئے بلدیاتی ایکٹ کے خلاف کل بروز اتوار جماعت اسلامی کراچی کے تحت مزار قائد تا کے ایم سی بلڈنگ امیر جماعت اسلامی پاکستان سراج الحق کی قیادت میں کراچی بچاؤ مارچ کی مکمل حمایت کا اعلان کرتے ہوئے کہا ہے کہ نیشنل لیبر فیڈریشن اور اس کی ملحقہ یونینز کے ہزاروں کارکنان مارچ میں شریک ہوکر کراچی کے حقوق کا تحفظ کریںگے۔قاسم جمال نے کہا کہ کراچی بچائو مارچ شہر کے مظلوم عوام کی آواز ہے۔اہل کراچی اپنے جرأت مند قائد حافظ نعیم الرحمن کی قیادت میں کراچی کے حقوق کے تحفظ کے لیے بھرپور طریقے سے جدوجہد کریںگے اور کسی بھی قربانی سے دریغ نہیں کیا جائے گا۔
