اسلام آباد (آن لائن) اسلام آباد ہائیکورٹ کے جسٹس عامر فاروق اور جسٹس محسن اختر کیانی پر مشتمل ڈویژن بینچ نے مریم نواز اور کیپٹن ریٹائرڈ صفدر کی ایون فیلڈ ریفرنس میں سزا کے خلاف اپیلوں پر سماعت کی، نیب کے وکیل بیرسٹر عثمان چیمہ کی جانب سے ایون فیلڈ ریفرنس میں التواء مانگا گیا انہوں نے درخواست میں کہا کہ گزشتہ رات سے سخت بخار اور جسم میں درد ہے اور منہ کا ذائقہ بھی خراب ہے علامات کے باعث خود کو کورنٹائن کر رہا ہوں بخار اور علالت کے باعث سفر نہیں کر سکتا درخواست میں استدعا کی گئی کہ اپیلوں پر سماعت آئندہ کی کسی تاریخ تک ملتوی کی جائے۔ عدالت نے درخواست منظور کرتے ہوئے سماعت بغیر کارروائی کے 18 جنوری تک ملتوی کر دی۔