مقبوضہ بیت المقدس (انٹرنیشنل ڈیسک) فلسطینی اتھارٹی کی ماتحت سیکورٹی فورسز کے ہاتھوں فلسطینیوں کی گرفتاریوں کا سلسلہ جاری ہے۔ تازہ رپورٹ کے مطابق عباس ملیشیا نے دسمبر کے دوران 45 فلسطینی شہریوں کو حراست میں لیا، جن میں بیشتر مختلف سیاسی جماعتوں کے کارکن شامل ہیں۔ فلسطینی ذرائع ابلاغ کے مطابق وکلا برائے انصاف گروپ کی طرف سے جاری رپورٹ میں کہا گیا 24جون کو سماجی کارکن نزار بنات کے وحشیانہ قتل کے بعد سے کریک ڈاؤن جاری ہے۔