اسلام آباد (صباح نیوز) وزیراعظم کے معاون خصوصی برائے احتساب بیرسٹر شہزاد اکبر نے کہا ہے کہ رانا شمیم کا حلف نامہ توہین عدالت ہے اور اداروں پر اثر انداز ہونے کی کوشش کی جا رہی ہے۔ ایک نجی ٹی وی پر وگرام میں خصوصی گفتگو کرتے ہوئے بیرسٹر شہزاد اکبر نے کہا کہ توہین عدالت سوچ سمجھ کر کی گئی‘ یہ لوگ چوری میں بھی کچے ہیں‘ رانا شمیم کا حلف نامہ توہین عدالت ہے اور عدلیہ کو نشانہ بنایا جا رہا ہے‘ حلف نامہ اس کے سامنے دیا گیا جس کو اس سے فائدہ ہوگا‘ نوازشریف کو بیرون ملک جانے کی اجازت حکومت نے نہیں دی‘ شہباز شریف نے ضمانت دی تھی۔ انہوں نے ٹوئٹر پر کہا کہ انکشاف ہوا ہے کہ نواز شریف نے رانا شمیم سے حلف نامے پر دستخط کرائے ہیں۔