لندن(انٹرنیشنل ڈیسک) برطانیہ میں خفیہ اطلاع پر پولیس نے سرکاری دفاتر کی طرف جانے والی سڑکیں بندکردیں۔ خبررساں اداروں کے مطابق پولیس نے پیر کے روز وزیر اعظم بورس جانسن کی سرکاری رہایش گاہ کے قریب وسطی لندن میں سڑک کو بند کر دیا ۔ اس دوران ایک مشتبہ شخص کو گرفتاربھی کیا گیا۔ حکام کا کہنا ہے کہ وزارت خزانہ، دفتر خارجہ اور وزارت دفاع سمیت سرکاری محکموں اور ڈاؤننگ اسٹریٹ کے دفتر کی سڑکوں کو پولیس نے گھیرے میں لے لیا ہے۔ حکام کی جانب سے خطرے کے حوالے سے تفصیلات جاری نہیں کی گئیں۔