اسلام آباد: تحریک انصاف سابق وفاقی وزیر فواد چو ہدری نے حکومت پر تنقید کرتے ہوئے کہا ہے کہ15ماہ بعد پولیو واپس آ گیا ، اللہ پاکستان کی حفاظت کرے ۔
انہوں نے ٹوئٹرپر کہا ہے کہ عمران خان حکومت میں پولیو ختم ہو گیا تھا،بل گیٹس پولیو خاتمے کو پاکستان کی عظیم کامیابی قرار دے چکے تھے۔
عمران خان حکومت کیخلاف سیاسی ایڈونچر نے جہاں ملکی معیشت کی کمر توڑ دی وہیں پولیو جو ختم ہو گیا تھا اور بل گیٹس پاکستان کا دورہ کر کے اسے پاکستان کی عظیم کامیابی قرار دے چکے تھے پندرہ ماہ بعد پولیو واپس آگیا ہے، خدا پاکستان کی حفاظت کرے #امپورٹڈ_حکومت_نامنظور
— Ch Fawad Hussain (@fawadchaudhry) April 23, 2022
انہوں نے کہا کہ عمران خان حکومت کیخلاف سیاسی ایڈونچر نے ملکی معیشت کی کمر توڑ دی ۔
واضح رہے کہ قومی ادارہ صحت نے شمالی وزیرستان سے تعلق رکھنے والے بچے میں پولیو کی تصدیق کی ہے۔دنیا بھر میں رواں سال پولیو کے 3کیسز سامنے آچکے ہیں۔
