اسلام آباد: پاکستان ڈیموکریٹک موومنٹ (پی ڈی ایم)کے ترجمان حافظ حمداللہ نے تحریک انصاف ( پی ٹی آئی) کی رہنما شیریں مزاری کے ٹوئٹ کا نوٹس لینے کا مطالبہ کیا ہے۔
حافظ حمد اللہ نے کہا کہ وفاقی وزیر اطلاعات پی ٹی اے کو حکم دے کر مذہبی منافرت والے ٹوئٹس اور ٹوئٹر ہینڈل بند کروائیں، بیت المال کا پیسہ کھا کر امر بالمعروف کے لیکچر سے بڑی اور کیا دین کی توہین ہوسکتی ہے؟
حافظ حمداللہ نے کہا کہ عمران نیازی نے بیت المال کی گھڑی اور تحفے بیچ کر گھر کی سڑک بنا لی، پی ٹی آئی کا ٹولہ مذہب کو سیاسی مقاصد کے لیے استعمال کر رہا ہے۔