لاہور : امیر مرکزی جمعیت اہلحدیث لاہور ڈاکٹر ریاض الرحمان یزدانی نے کہا ہے کہ خوش نصیب ہیں وہ لوگ جن کو اللہ تعالیٰ اپنے دین خدمت کے لئے چن لیتا ہے۔ رب العالمین کے نظام سے ہی عالمی مالیاتی نظام کو شکست دی جا سکتی ہے۔
سودی نظام اور ترقی کسی ملک میں اکھٹے نہیں چل سکتے۔ عوام کو نور ایمان ، قرآن اور محبت سے دلوں کو آباد کرنے کی ضرورت ہے ملک سے جہالت، ظلم اور غربت اسلامی نظام کے بغیر دور نہیں ہو سکتے۔ان خیالات کا اظہا انہوں نے راوی روڈ مرکز میں قاری محمد عمر یزدانی کو نائب ناظم اعلیٰ لاہور شہر کا نوٹیفکیشن دینے کی تقریب کے موقع پر میڈیا سے گفتگو کرتے ہوئے کیا۔
ان کا کہنا تھا کہ مرکزی جمعیت اہلحدیث کے قائدین اللہ کے دین کو تخت پر لانے اور ملک اسلامی نظام کے نفاذ کیلئے کوشاں ہیں۔ہم قاری محمد عمر یزدانی کو نائب ناظم اعلیٰ لاہو رشہر بننے پر مبارکباد پیش کرتے ہیں اور ان کے لئے استقامت کی دعا بھی کرتے ہیں