پیرس (انٹرنیشنل ڈیسک) فرانسیسی دارالحکومت پیرس میں پولیس اہل کاروں نے فائرنگ کر کے 2 کار سواروں کو ہلاک کر دیا۔خبررساں اداروں کے مطابق مقامی پولیس کے ترجمان نے بتایا کہ ڈرائیور نے کار پولیس پر چڑھانے کی کوشش کی تھی ۔ حملے کے وقت ڈرائیور ٹریفک قوانین کی خلاف ورزی کرتے ہوئے گاڑی کو مخالف سمت میں چلارہا تھا۔ پولیس کاکہنا ہے کہ اہل کاروں نے اپنی حفاظت کے لیے کار پر فائرنگ کی،جس کے نتیجے میں اس میں سوار دونوں افراد ہلاک ہوگئے۔ اہل کاروں کے قتل کی کوشش کے الزام میں واقعے کی تحقیقات کا آغاز کر دیا گیا ہے۔