بیروت (انٹرنیشنل ڈیسک) لبنان کے ساحل پر کشتی غرق ہونے سے ہلاکتوں کی تعداد 7ہوگئی۔ خبررساں اداروں کے مطابق مرنے والوں میں ایک بچہ بھی شامل ہے ۔ لبنانی ہلال احمر کے مطابق کشتی شمالی بندرگاہی شہر طرابلس کے قریب ڈوبی تھی اور اس پر تقریباً 60 افراد سوار تھے۔ امدادی تنظیم کا کہنا ہے کہ کئی افراد اب بھی لاپتا ہیں اور ہلاکتوں میں اضافے کا خدشہ ہے۔ دوسری جانب فلسطینی تحریک مزاحمت حماس نے لبنان کے ساحلی شہر طرابلس کے قریب کشتی کے المناک حادثے پر گہرے دکھ اورافسوس کا اظہار کیا اور زخمیوں کی جلد صحت یابی کی دعا کی۔