اسلام آباد:مختلف علاقوں میں لوڈشیڈنگ کا سلسلہ جاری ہے،کاروبار زندگی مفلوج ہو کر رہ گیا ۔ملک کے مختلف شہروں میں لوڈشیڈنگ کم نہ ہونے سے عید کے رنگ پھیکے پڑ گئے۔
ملک بھر میں طویل لوڈ شیڈنگ سے کاروباری طبقہ اور تاجر برادری جہاں مشکلات کا شکار ہے وہیں لاہور سمیت پنجاب بھر میں رمضان المبارک کے دوران گرم موسم میں گھنٹوں بجلی غائب ہونے سے شہریوں کا برا حال ہے۔پنجاب میں دیہات اور چھوٹے شہروں میں لوڈ شیڈنگ کا دورانیہ 13 گھنٹے تک پہنچ گیا ۔
دوسری جانب کراچی میں بھی لوڈشیڈنگ سے مستثنیٰ علاقوں میں بجلی کی آنکھ مچولی جاری رہی جبکہ بلوچستان کے دیہی علاقوں میں 18 گھنٹے اور کوئٹہ میں 8 گھنٹے تک بجلی غائب رہنے لگی ،کاروبار زندگی مفلوج ہو کر رہ گیا ،لوڈشیڈنگ کے باعث پانی کی قلت پیدا ہونے لگی ۔شہریوں نے حکومت سے غیراعلانیہ لوڈشیڈنگ ختم کرنے کا مطالبہ کیا ہے ۔mk
