کیپٹل کے بعد 7 نیوز کے رپورٹر کا قتل

خانیوال سے 7 نیوز کا رپورٹر ضیاء الرحمان 4 دن موت و حیات کی کشمکش میں رہنے کے بعد نشتر اسپتال میں دم روڑ گیا۔ ضیاء الرحمان کو 4 دن قبل قبضہ مافیا نے فائرنگ کر کے شدید زخمی کر دیا تھا۔ ضیاء الرحمان کے سر میں 3 گولیاں لگی تھیں انہیں تشویشناک حالت میں نشتر اسپتال منتقل کیا گیا تھا۔ ضیاء الرحمان فرض کی ادائیگی کے دوران قبضہ مافیا کی فائرنگ کا شکار ہوئے اور آج چار دن بعد خالق حقیقی سے جا ملے۔ صحافتی تنظیموں کی جانب سے ملزمان کی گرفتاری اور قانونی کارروائی کا مطالبہ کیا جا رہا ہے تاحال پولیس کی جانب سے کارروائی عمل میں نہیں لائی جا سکی۔ خیال رہے لاہور میں بھی چند ماہ پہلے کیپٹل ٹی وی کے رپورٹر کو فائرنگ کرکے ہلاک کردیا گیا تھا۔