واشنگٹن (انٹرنیشنل ڈیسک) امریکا کے سابق صدر ٹرمپ کے بار ے میں انکشاف ہوا کہ وہ دوران صدارت ’فروٹ فوبیا‘ کا شکار رہے۔ نیویارک میں مقدمے میں پیش کیے عدالتی دستاویزات میں بتایا گیا کہ ٹرمپ کو مظاہرین کی جانب سے انناس، ٹماٹر اور کیلے جیسے انتہائی خطرناک پھلوں سے مارے جانے کا خدشہ تھا۔ انہوں نے 2016 ء میں ایک ریلی میں خطاب کے دوران اپنے حامیوں سے کہا تھا کہ اگر کوئی ٹماٹر مارتا ہوا نظر آئے تو اسے فوراً پکڑ لیا جائے۔ واضح رہے امریکی سیاست دانوں کو پھل مارنا کوئی نئی بات نہیں ہے۔
