گولارچی (نمائندہ جسارت) جماعت اسلامی ضلع بدین کے امیر سیدعلی مردان شاہ نے کہا کہ اسلامی پاکستان اور خوشحال پاکستان ہی ملک کا مقدر بنے گا۔جماعت اسلامی کی 32 سالہ جہدوجہد رنگ لائی اور آج وفاقی شرعی عدالت نے سودی نظام کو حرام قرار دے دیا اور 5 سال میں سارے بینکنگ کے شعبے کواسلامی بینکنگ میں تبدیل کردیا جائے اب دیکھنا ہے کہ سابق حکومت کی طرح موجودہ حکومت بھی سپریم کورٹ میں حکم امتناعی حاصل کرنے جاتی ہے اور سپریم کورٹ حکم امتناع جاری کرتی ہے یانہیں ؟