کولمبو (انٹرنیشنل ڈیسک) سری لنکا میں اپوزیشن نے وزیر اعظم مہندا راجاپاکسے اور ان کی کابینہ کو اقتدار سے بے دخل کرنے کے لیے عدم اعتماد کی تحریک پیش کردی ۔ اپوزیشن نے حکومت پر الزام عائد کیا ہے کہ وہ سنگین معاشی بحران سے نمٹنے اور مستحکم پالیسیاں بننانے میں ناکام ہوچکی ہے۔ اپوزیشن جماعت یونائیٹڈ پیپلز فورس پارٹی نے پارلیمان میں تحریک عدم اعتماد پیش کی۔ دوسری جانب اپوزیشن کی مخالفت اور عوامی احتجاج کے باوجود صدر اور وزیر اعظم نے منصب چھوڑنے سے انکارکردیا ہے۔