برطانوی میڈیا کے مطابق بادشاہ چارلس سوم پر ایک ماہ کے دوران انڈہ پھینکنے کا یہ دوسرا واقعہ ہے۔ انڈہ پھینکنے کی کوشش اس وقت کی گئی جب بادشاہ چارلس لوٹن کا دورہ کررہے تھے ۔
بیڈ فورڈ شائر پولیس کا کہنا تھا کہ تازہ ترین واقعے کے بعد 20 سال کے ایک شخص کو عام حملے کے شبے میں گرفتار کیا گیا ہے مشتبہ شخص کو لوٹن کے سینٹ جارج اسکوائر سے گرفتار کرنے کے بعد پوچھ گچھ کے لیے حراست میں رکھا گیا ہے۔
واقعہ کے بعد سیکورٹی اہلکار بادشاہ چارلس سوم کو کچھ دیر کے لیے دور لے گئے تاہم بعد میں بادشاہ چارلس سوم واپس آئے اور لوگوں سے مل کر دوبارہ روانہ ہوئے۔
واضع رہے کہ نومبر میں شمالی انگلینڈ کے دورے میں بھی بادشاہ چارلس سوم کو انڈہ مارنے کی کوشش کی گئی تھی۔