اسلام آباد: ترجمان دفتر خارجہ نے کہا کہ سوشل میڈیا میں پاکستان سے ننگرہارمیں فضائی حملوں کے دعوے بے بنیاد اور بدنیتی پر مبنی ہیں۔
افغانستان کے شہر ننگرہار میں آج پاکستان کی جانب سے مبینہ فضائی حملوں کے بارے میں سوشل میڈیا کی رپورٹس سے متعلق میڈیا کے سوالات کے جواب میں وزارت خارجہ کی ترجمان ممتاز زہرہ بلوچ نے تردیدی بیان جاری کردیا۔
ترجمان نے واضح طور پر ان رپورٹس کو بے بنیاد اور بدنیتی پر مبنی قرار دیتے ہوئے مسترد کر دیا۔
