چلی میں تعلیمی حالات کے خلاف احتجاج کرنے والے سیکڑوں طلباء کی سیکیورٹی فورسز سے جھڑپیں ہوئی ہیں۔
دارالحکومت سینٹیاگو کے مرکز میں مارچ کرنے والے طلباء کے گروپوں نے "بیک پیک” (موچیلازو) کے نام سے مظاہرہ کیا ہے۔
پولیس نے آنسو گیس اور واٹر کینن کا استعمال کرتے ہوئے طلباء کو منتشر کرنے کی کوشش کی جبکہ طلباء نے اتش گیر مادے کا استعمال کیا۔
مظاہرین نے "کمرشل ایجوکیشن کے خاتمے ” اور "ایجوکیشن سے متعلق جدو جہد جاری رکھیں” کے بینرز اٹھا رکھے تھے۔
ای ایف ای نیوز ایجنسی سے بات کرتے ہوئے، مینوئل ابارا نامی 15 سالہ طالب علم نے کہا کہ ملک میں باعزت تعلیم برابری کی سطح پر نہیں ہے، اس لیے ہم اس کے خلاف جدو جہد جاری رکھے ہوئے ہیں۔
چلی کی حکومت نے اعلان کیا ہے کہ وہ انتہائی اہمیت کی حامل ضروریات کو پورا کرنے کے لیے سال کے آخر تکتعلیمی شعبے میں تقریباً 306 ملین ڈالر کی مدد فراہم کرنے کا ارادہ رکھتی ہے۔
چلی میں طلباء وقتاً فوقتاً تعلیمی حالات کے خلاف احتجاج کرتے ہیں اور سیکورٹی فورسز کے ساتھ ُپرتشدد جھڑپیں ہوتی رہتی ہیں۔