امریکی حکومت غیر قانونی تارکین وطن کی آمد کو روکنے کے لیے میکسیکو کی سرحد پر اضافی 1,500 فوجی بھیجے گی۔
حکومت کے قریبی ذرائع کے مطابق امریکی صدر جو بائیڈن کی انتظامیہ نے امریکہ سے غیر قانونی تارکین وطن کی ملک بدری کے عمل کو تیز کرنے والی قانون سازی کی منسوخی سے قبل سرحد پر کنٹرول برقرار رکھنے کے لیے 1500 اضافی فوجی تعینات کیے ہیں۔
واضح رہے کہ حکومت کا یہ فیصلہ اس توقع پر مبنی ہے کہ 11 مئی کو ختم ہونے والی قانونی پابندیوں کے بعد امریکی سرحد پر آنے والے غیر قانونی تارکین کی تعداد میں بہت زیادہ اضافہ ہوگا۔
بتایا گیا ہے کہ نئے تعینات ہونے والے فوجی یونٹ 90 دن تک سرحدی علاقے میں محض انتظامی فرائض میں حصہ لیں گے اور کسی بھی قانون پر عمل درآمد کی ڈیوٹی سر انجام نہیں دیں گے۔
امریکی میڈیا کے مطابق حالیہ ایام دنوں میں ملک کی جنوبی سرحد سے یومیہ تقریباً 7000 غیر قانونی تارکین وطن امریکہ میں داخل ہوئے ہیں اور آنے والے ہفتوں میں اس تعداد میں مزید اضافہ متوقع ہے۔
