نگران پنجاب حکومت کے ترجمان عامرمیرنے پاکستان تحریک انصاف کے صدر اور سابق وزیراعلیٰ پنجاب پرویزالٰہی کی جانب سے لگائے گئے الزامات کی تردید کرتے ہوئے کہا کہ پولیس پر اپنے گھر سے چوری کا الزام بھونڈا مذاق ہے۔الزامات جھوٹ پرمبنی اور بے بنیاد ہیں۔
نگران صوبائی وزیر عامر میر نے کہا کہ کئی لوگ اینٹی کرپشن کوبیان دے چکےکہ انہوں نے پرویز الٰہی کو بطور کمیشن بھاری رقوم دیں۔ رشوت کے الزامات پر پرویز الٰہی کے خلاف ایف آئی آر درج کی گئی اورپولیس نے ریڈ کی۔
انہوں نے کہا کہ پولیس پر اپنے گھر سے چوری کا الزام بھونڈا مذاق ہے۔ الزامات جھوٹ پرمبنی اور بے بنیاد ہیں۔جن افراد نے پولیس پر پتھراؤ کیا اور پٹرول پھینکا انہی کو موقع سے گرفتار کیا گیا۔
عامر میر نے کہا کہ الزامات جھوٹ پرمبنی اوربے بنیاد ہیں۔ پرویز الٰہی جھوٹ بولنے سے پرہیز کریں تو بہتر ہوگا۔