ترکیہ کے صدر رجب طیب ایردوان نے بھارت کے صوبہ اڈیشا میں ٹرین حادثے کے نتیجے میں ہلاک ہونے والوں کے کنبوں، بھارت کے عوام اور حکومت کے ساتھ تعزیت کا اظہار کیا ہے۔
صدر ایردوان نے سوشل میڈیا سے جاری کردہ تعزیتی بیان میں کہا ہے کہ "میں، بھارت کے صوبہ اڈیشا میں ٹرین حادثے میں ہلاک ہونے والوں کے کنبوں، بھارت کے عوام اور حکومت کے ساتھ اپنی طرف سے اور اپنی ملت کی طرف سے اظہارِ تعزیت کرتا اور زخمیوں کی فوری صحتیابی کا متمنی ہوں۔ حادثے کے زخموں پر مرہم رکھنے کے لئے ہم بحیثیت ترکیہ بھارت کے ساتھ ہیں”۔
واضح رہے کہ 2 جون کو بھارت کے صوبہ اڈیشا میں دو مسافر اور ایک مال بردار ٹرین کے درمیان ٹکراو میں 294 افراد ہلاک اور 1000 سے زائد زخمی ہو گئے تھے۔