ضلع سوات میں مینگورہ سبزی منڈی کے قریب نامعلوم شرپسندوں کی فائرنگ سے دو پولیس اہلکار شہید جبکہ ایک راہ گیر زخمی ہوگیا۔
پولیس کا کہنا ہے کہ دونوں اہلکار معمول کی ڈیوٹی پر تعینات تھے کہ نامعلوم افراد نے ان پر فائرنگ کردی۔ دونوں اہلکاروں کے سروں پر گولیاں لگیں۔ واقعے میں ایک راہ گیر بھی زخمی ہوا ہے۔
خیبرپختونخوا پولیس کے مطابق شہید ہونے والے اہلکاروں میں کانسٹیبل اشرف علی اور کانسٹیبل عمرا خان شامل ہیں۔
سوات مینگورہ میں نا معلوم شرپسندوں کی فائرنگ سے کانسٹیبل اشرف علی اور کانسٹیبل عمرا خان شہادت کے عظیم مرتبے پر فائز ہو گئے۔ pic.twitter.com/j2FpPDyUDo
— KP Police (@KP_Police1) June 8, 2023
پولیس کا کہنا ہے کہ واقعے میں تین حملہ آور ملوث ہیں۔ مسلح افراد موقع سے فرار ہوگئے۔ پولیس نے علاقے کو گھیرے میں لے کر سرچ آپریشن شروع کردیا ہے۔
پولیس نے جاں بحق افراد کی لاشیں پوسٹ مارٹم اور زخمی کو طبی امداد کیلئے سیدو شریف ہسپتال منتقل کردیا ہے۔
ملزمان کی سی سی ٹی وی فوٹیج بحِ منظر عام پر آگئی ہے۔
CCTV Footage of the attack on Police in Swat. https://t.co/UO3EDtY6rm pic.twitter.com/KbXufkOIsx
— Eagle Eye (@zarrar_11PK) June 8, 2023
دوسری جانب کالعدم تحریک طالبان پاکستان نے سوات پولیس پر حملے کی ذمہ داری قبول کی ہے۔
میڈیا کو جاری بیان میں بتایا گیا ہے کہ کالعدم تحریک نے سبزی منڈی میں پولیس کو نشانہ بنایا۔
https://twitter.com/ShabbirTuri/status/1666683259592527872?s=20
یاد رہے کہ گزشتہ روز آئی جی پولیس خیبر پختونخوا اختر حیات گنڈا پور نے سوات کا دورہ کیا تھا اور پولیس کی جانب سے سوات میں سرگرم کالعدم تحریک طالبان کے 2دہشتگردوں کو گرفتار کرنے کا دعوی کیا تھا جو پولیس پر حملوں میں ملوث تھے۔
آئی جی پولیس خیبر پختونخوا نے بتایا تھا کہ سوات میں دہشتگرد سرگرم ہیں اور مالاکنڈ میں موسم گرما میں سیاحت کا سیزن خراب کرنے کی کوشش کر رہے ہیں۔