کل جنوبی افریقہ میں 5،0 کی شدت سے محسوس کیا گیا زلزلہ ترکیہ میں 6 فروری کے قہرمان ماراش زلزلے کی شاخ تھا۔
جنوبی افریقہ کے ماہرِ ارضیات ڈاکٹر گیڈین خرناوالٹ نے ایس اے بی سی ٹیلی ویژن چینل کے لئے انٹرویو میں کہا ہے کہ جوہانزبرگ مرکز والا یہ زلزلہ حالیہ 6 سالوں کا پہلا زلزلہ ہے۔
خرناوالٹ نے کہا ہے کہ "ہمیں یہ پہلو ہرگز فراموش نہیں کرنا چاہیے کہ ارضی تہوں میں تبدیلی آئی ہے۔ میرے خیال میں یہ زلزلہ ایک قوی احتمال کے مطابق ترکیہ کے زلزلوں سے منسلک تھا۔افریقہ کی ارضی تہیں ترکیہ کی ارضی تہوں کے ساتھ منسلک ہیں اور ہو سکتا ہے کہ انہی تہوں کی تبدیلی کے باعث افریقی تہوں نے بھی ردعمل ظاہر کیا ہو”۔
واضح رہے کہ صوبہ گاوٹنگ میں کل 5،0 کی شدت سے زلزلہ آیا۔
امریکن جیولوجک ریسرچ سینٹر کے مطابق زلزلہ ترکیہ کے مقامی وقت کے مطابق سہ پہر 3 بجے کے لگ بھگ آیا۔ زلزلے کی شدت 5،0 اور اس کا مرکز البرٹون شہر تھا۔
زلزلے میں کوئی جانی یا مالی نقصان نہیں ہوا۔
