پیرس کی میئر این ہڈالگو نے ایک کمیٹی تشکیل دینے کا ارادہ کیا ہے جو یہ جاننے کی کوشش کرے گی کہ آیا فرانسیسی دارالحکومت میں شہریوں کو چوہوں کوختم کرنے کی کوشش کرنے کی بجائے پرامن بقائے باہمی کا مظاہرہ کرتے ہوئے ان کے ساتھ رہنا سیکھنا چاہیے۔
پیرس کی کونسل کے اجلاس میں پیرس کی ڈپٹی میئر برائے صحت عامہ این سوئیرس نے کہا کہ میئر کی رہنمائی میں ہم نے انسانوں اور چوہوں کے ساتھ رہنےکے معاملے پر ایک کمیٹی بنانے کا فیصلہ کیا ہے ،شہریوں کو چوہوں کے ساتھ رہنے کی ترغیب دی جائے گی۔
اس نئی اعلان کردہ پالیسی ایک اندازے کے مطابق شہر کے60 لاکھ چوہوں سے نمٹنے کے لیے پیرس میں نافذ کیے گئے گزشتہ اقدامات سے ایک کی روانگی کی نمائندگی کرتی ہے۔
فرانس کے دارالحکومت کے 2017 کے انسداد چوہا منصوبے نے اپنے فنڈز میں سے1.8 ملین ڈالرانسداد چوہا پالیسیوں کی ایک حد میں خرچ کیا، جیسے کہ ہوا بند کوڑے دان کی تنصیب اور شہر بھر میں ہزاروں مقامات پر چوہے کے زہر کا بڑے پیمانے پر استعمال وغیرہ۔۔
خیال کیا جاتا ہے کہ پنشن اصلاحات کے حالیہ مظاہروں کی وجہ سے پیرس میں چوہوں کے مسئلے میں اضافہ ہواہے۔
