ٹیسلا، اسپیس ایکس اور ٹوئٹر کے مالک ایلون مسک کی جانب سے کیے جانے والےجنگلے میں لڑائی کا چیلنج میٹا کے چیف ایگزیکٹو مارک زکربرگ نے قبول کرلیا ہے۔
ایلون مسک نے ٹوئٹر پر ایک صارف کی ٹوئٹ پر جواب دیتے ہوئے بظاہر مذاق میں مارک زکربرگ کو فائٹ کا چیلنج کیا تھا۔
انہوں نے یہ چیلنج اس وقت کیا جب صارف کی جانب سے ایک ٹوئٹ میں کہا گیا تھا کہ میٹا کی جانب سے ٹوئٹر جیسی ایپ کو متعارف کرایا جا رہا ہے۔
اس صارف نے یہ ٹوئٹر کے مالک کو بتایا کہ مارک زکربرگ اب جوجسٹو کے ماہر بن چکے ہیں، جس پر ایلون مسک نے کہا کہ اگر وہ تیار ہوں تو میں کیج میچ کے لیے تیار ہوں
اس ٹوئٹ کا اسکرین شاٹ مارک زکربرگ نے اپنے انسٹاگرام اکاؤنٹ پر ایک اسٹوری میں شیئر کرتے ہوئے اس کے نیچے لکھا کہ ‘مجھے لوکیشن بھیجیں’۔
میٹا کے ایک ترجمان کے مطابق انسٹاگرام اسٹوری خود حقیقت بتا رہی ہے اور اب گیند ایلون مسک کی کورٹ میں ہے۔
مارک زکربرگ کے اس جواب پر ایلون مسک نے اپنا ردعمل ایک ٹوئٹ میں کرتے ہوئے Vegas Octagon لکھا
خیال رہے کہ میٹا کی جانب سے ٹوئٹر جیسے نئے سوشل میڈیا پلیٹ فارم کی تیاری پر کئی ماہ سے کام کیا جا رہا ہے
