ترکیہ کے وزیر خارجہ خاقان فیدان نے امریکہ کے وزیر خارجہ انتھونی بلنکن کے ساتھ ٹیلی فونک ملاقات کی۔
ترکیہ وزارت خارجہ کے جاری کردہ بیان کے مطابق فیدان۔ بلنکن مذاکرات میں نیٹو کی توسیع،ویلنیوس میں متوقع نیٹو سربراہی اجلاس، شام کے لئے اقوام متحدہ کے سرحد پار امدادی میکانزم کی میعاد میں توسیع اور یوکرین کی تازہ صورتحال کے بارے میں بات چیت کی گئی۔
وزیر خارجہ خاقان فیدان نے کینیڈا کی وزیر خارجہ میلانی جولی کے ساتھ بھی ٹیلی فونک ملاقات کی۔
جولی نے انہیں وزارت خارجہ کے عہدے کی مبارکباد پیش کی۔
فیدان۔ جولی مذاکرات میں نیٹو کی توسیع اور دو طرفہ تعلقات پر بات چیت کی گئی۔