لبنان میں فلسطینیوں کے سب سے بڑے مہاجر کیمپ عین الحلوہ میں جنگ بندی کے بعد گروپوں کے درمیان نئی جھڑپوں میں ایک شخص مزید ہلاک ہو گیا ہے۔
لبنان کی سرکاری خبر ایجنسی NNA کے مطابق، کیمپ میں ہوئی جھڑپوں میں الفتح تحریک کا ایک رکن ہلاک جبکہ دو زخمی ہو گئے۔
گزشتہ ہفتے کے روز سے جاری جھڑپوں میں اب تک بارہ افراد ہلاک اور ساٹھ زخمی ہو چکے ہیں۔
ملک کے جنوبی شہر سعیدہ میں ساٹھ ہزار افراد پر مشتمل اس فلسطینی کیمپ میں ہوئی جھڑپوں میں بھاری اسلحے اور مارٹر گولوں کا استعمال کیا گیا ۔
لبنان کی مداخلت سے گزشتہ دنوں کیمپ میں موجود فلسطینی گروہوں کے درمیان جنگ بندی بحال کی گئی تھی ۔
